DFKMG oo Magaca ka bedeleysa Dugsigii Xaawo Taako

Filed under: CIYAARAHA |

Waxaa Qoray Aadam Hassan ( Xubin Golaha fulinta Alecso )

Xaawa Cismaan (Xaawa Taako )

Go’aan kii Madaxdii J.Somalia ee 1970 kii miyaa qaldanaa mise kan maanta kuwa jooga Villa Somalia ?

Tallaabo iila muuqata gaf laga galayo taariikhda iyo halgankii dadkii dhiiggooda u daadiday Dalka iyo Dadka Somalia ayay dawladda magac ahaanta haattan u jirta qaadatay waa Go,aan la ii sheegay inuu ka yimid madax waynaha ”somalia” Shariif sheikh axmed uuna soo marsiiyay wasiirkiisa wax barashada hidaha iyo tacliinta sare Dr Abdulnuur Sheikh Maxamed, sida aan ka xogsaday saraakiil ka tirsan waxbarashada .

Xaawa Cismaan (Xaawa Taako) oo lagu garto halgankii la dagaallanka Gumaysiga waxay ka mid tahay astaamaha xornimo u dirirka Dalka, Dawladdihii xalaasha ahaa waxay u sameeyeen xasuus waarta waxaa kaalinta xasuus reebka dadkii halganka usoo galay dalka kaalin mug leh ku lahaan jirtay wasaaradii wax barasho .

Maanta oo ay dawladda Somalia isugu soo aruurtay afar xaafadood oo xamar ka mid ah ayay go, aan ku gaartay inay magacii iyo maamuuskii ka xayuubiso Xaawo Taako , wasaaradda waxbarashada ayaa maaggan inay Iskoolka Xaawa Taako ka dhigto xarun lagu xanaaneeyo Caruurta Agoonta ah , waxaa la ii sheegay inuu Madaxwayne Shariif u sheegay Wasiirka Tacliinta inuu Iskoolkaas u bixiyo Prof Caddow wasiirkii Tacliinta ee Shaamoow lagu dilay Qarax .

Wuu mudan yahay Caddow in loogu magac daro Iskool iyo wax ka wayn laakiin ma qurxana in Hooyadii dhiigeeda u daadisay Ummadda Somaliyeed iyadoo waliba hor taaggan Gumaysi Gaamuray dalka iyo dadkana xoog ku haysta in magaceeda loo tir tiro taasi waxay hordhac fiican u noqon kartaa in gurboodka yar yar si sahlan looga masaxo taariikhdii halganka xornimo u dagaallankii mudda dheerna aan soo harsanay asii maanta naga maqan tahay oo aan heer ka xun kii maantaa xaawo uu Gumaysiga arxanka daran ku daadiyay dhiiggeeda .

Ma filayo inay Xukuumadda haattan Villa Somalia daggan haysato dhaqaale xumo ay ku dhisto xarun agoomeed magacii la doono markaa ha loo baxshee laakiin waxaa dhab ah in Magaca Iskoolka Xaawa Taako doorintiisu tahay Gaf wayn oo laga galay halgankii Xornima u darirkii lagu Dhaliyay J. Somalia , in la doooriyo magaca iskoolka xaawo taako wuxuu ka dhigan yahay astaanta Qaranka oo la badalay xaawo waa astaan qaran una taagan halgankii xoraynta dalka !

Aadam Zaki
Aadan17@yahoo.com
Tunis (ALECSO)

Leave a Reply

Your email address will not be published. Required fields are marked *