Mudane Ka Tirsan Baarlamaanka Soomaaliya Oo Ay Jir Dileen Ciidanka Kenya Oo Isbitaalka La Dhigay

Filed under: CIYAARAHA,dhacdooyinka,Faafan,WARARKA MAANTA |

Xildhibaan Maxamuud Sheekh Siraaji oo ka tirsan Barlamaanka Federaalka Soomaaliya ayaa shalay subax la dhigay Isbitaal ku yaalla magaalladda Nairobi, kadib, markii ay Ciiddan ka tirsan Boliska dalkaasi jir-dileen.

Xildhibaanka oo ay Walaalo ahaayeen Wasiirkii la dilay ee  Cabaas Sheekh Maxamuud Siraaji Allaha u Naxariiste waxaa Waaberigii hore ee shalay Isbitaalka la dhigay isagoo ay  dhaawacyo culus ,ka soo gaareen jir-dilkaasi.

Saraakiisha Booliska ee tacadigaasi u geystay Xildhibaan Siraaji ayaa sheegay inay ka shakiyeen inuu gaariga uu la socday Xildhibaanka la soo xaday.


“Xildhibaanka waxay Booliska soo weerareen kadib, markii uu nin ay saaxiib yihiin ku soo dejiyey Xaafadda Westland ee magaalladda Nairobi, wuxuuna Xildhibaanka ka badbaaday dhimasho” ayaa lagu yiri farriin uu Saxafi fadhigiisu yahay magaalladda Nairobi u soo diray Radio Dalsan.

Sidoo kale a Booliska Kenya ayaa xaqiijiyay inuu dhacay Shilkaasi, waxayma  sheegeen inay xilligaasi baacsanayeen Gaari noociisu yahay TOYOTA LEXUS oo loo sheegay in laga soo xaday Kiambu.

Dhinaca kale, Xildhibaan Maxamuud Sheekh Siraaji waxa uu xilligii ay Booliska dhaawaceen watay Gaari uu soo kireystay oo noociisu ahaa TOYOTA RAV4, mana kala cadda sababta ay Booliska Kenya u beegsadeen.

Qof la socday Xildhibaanka ayaa sheegay inay isaga  ilaa 2,000 oo Dollar kaga luntay inta ay Booliska baarayeen.

Xildhibaan Maxamuud Sheekh Siraaji oo bishii Feberaayo ee sannadkan loo doortay Xilkaasi waxa uu weli ku jiraa Isbitaal ku yaalla magaalladda Nairobi.

Leave a Reply

Your email address will not be published. Required fields are marked *